Páll stígur af stalli

Á aðalfundi félagsins í gær, gerðust þau tíðindi helst að Páll Sighvatsson lét af formennsku í félaginu eftir 14 ára farsælan feril.  Einnig vék úr stjórn félagsins Björn Sverrisson eftir sömuleiðis langa setu.  Er þeim félögum þökkuð góð og vel unnin störf í þágu félagsins.  Þeir fara þó ekki langt og taka sæti í trúnaðarmannaráði sem er stjórninni til halds og trausts.  Nýir menn í stjórninni eru þeir Hrannar Freyr Gíslason og Ingimundur S. Ingvarsson. Eru þeir boðnir velkomnir til starfa og óskað farsældar sem og öðrum í stjórn félagsins, þeim Björgvin Sveinssyni, Hirti Elefsen og Óla Björgvin Jónssyni. Upplýsingar um skipan trúnaðarmannaráðs, orlofsnefndar og skoðunarmanna hafa verið uppfærðar.